لا تغرك ضحكتي ولا اسلوبي ,,

لا تغرك ضحكتي ولا اسلوبي
اعرف اعزاز النفوس من الرديه

كم وفولي ناس وكم ناس اغدروبي
وكم كسبت بطيب نيه سوء نيه

ناس من كثر المخادع ما تتوبي
وناس بياض وصداقتها نديه

ناس اغلتني وناس اغلت جيوبي
وناس اطالع ولكنها عميه

كل هذا والجروح اتزيد صوبي
والمجامل والتملق والخطيه

ما يغير ضحكت الوجه الرحوبي
...................................

ودي اني اعطي المحتاج ثوبي
واعطي ولا انتظر رد العطيه

مجمع العالم ولا اقول اسمعوبي
نفسي من اطرا خلق الله غنيه

في بعض الاشياء اتقدم وانوبي
على بني أدم جميع وعن بنيه

سجدت تغفر بها كل الذنوبي
خير من عيش الحياة القاحليه

يا مسولف بي على الطرق الكذوبي
عقاب الله من ظلم نفس(ن) بريه

يا صحيب الخير يامثبت ظنوبي
النصيحه روح لي ما للقويه

الصحيح من العيوب اللي تشوبي
قولها فالوجه والنيه مطيه

بارك الله في من اهداني عيوبي
واشكره جدا على هذي الهديه